Pavar yozda yana jamoasini o'zgartirishi mumkin. Unga yangi da'vogarlar paydo bo'ldi

Himoyachi Benjamen Pavar yozgi transfer oynasida yana klubini o'zgartirishi mumkin.

«Inter»dan mavsum yakuniga qadar frantsuz futbolchisini ijaraga olgan «Marsel» uni 15 million evro evaziga sotib olish huquqidan foydalanishni rejalashtirmayapti. Jurnalist Nikolo Skiraning ma'lumotiga ko'ra, yaqinda 29 yoshli futbolchi bo'yicha Dortmundning «Borussiya» klubi so'rov yuborgan, shuningdek, nomi oshkor etilmagan Saudiya klubi ham unga qiziqish bildirmoqda. «Neradzurri» rahbariyati futbolchini mavsumlararo tanaffus vaqtida sotib yuborishga umid qilmoqda.

Transfermarkt portalida Benjamen Pavarning narxi 20 million evro deb baholangan, uning «Inter» bilan amaldagi shartnomasi 2028 yilning yoziga qadar mo'ljallangan.