Xansi Flik: «Barselona»da nafaqat natija, balki qanday g'alaba qozonishimiz ham muhim»

«Barselona» bosh murabbiyi Xans-Diter Flik kataloniyaliklar klubidagi faoliyati haqida fikr bildirdi.

«Barselona»da nafaqat natija, balki qanday o'ynashimiz va qanday g'alaba qozonishimiz ham muhim. Masalan, o'tgan mavsumda «Inter»dan uchralgan mag'lubiyatdan so'ng hafsalamiz pir bo'lgan edi, ammo shu bilan birga jamoaning ikki o'yinda ko'rsatgan o'yinidan faxrlangandik. O'ylaymanki, hamma jamoadan aynan shunday o'yin kutadi. Men uchun biz shu yo'ldan borishda davom etishimiz muhim. Bu erda hamma narsa muhokama qilinadi, hamma narsa tahlil qilinadi. Odamlar «Barselona» bilan yashashadi va u bilan nafas olishadi.

Bizda juda yosh va iqtidorli jamoa shakllangan. Ammo agar biz mashg'ulotlarda 100 foiz kuch bilan ishlamasak, raqobatbardosh bo'la olmaymiz. Men hech qachon taslim bo'lmaydigan jamoani ko'rishni istayman — bu «Barselona» DNKsining bir qismidir», — dedi Flik «ko'k-anorranglilar» klub telekanaliga.