"Yuventus" uchun EChLda chorak final 7 yildan beri orzu bo'lib qolmoqda

«Yuventus» Chempionlar ligasining 1/8 finaliga yo'l ololmadi. O'tish bosqichida Luchano Spalletti jamoasi «Galatasaroy»ga mag'lub bo'ldi. Turinliklar safarda 2:5 hisobida imkoniyatni boy bergan bo'lsa, o'z maydonida 120 daqiqa yakunlariga ko'ra 3:2 hisobida g'alaba qozondi — vaholanki, 90-daqiqa yakunlanganida «ko'hna sinora» 3:0 hisobida oldinda borayotgan edi.

«Yuventus» Evropaning top-klublari qatoriga kiradi, biroq 2019 yildan beri jamoa Chempionlar ligasining hatto 1/4 finaliga ham etib bora olmayapti:

2019/2020 yilgi mavsum: 1/8 finalda «Lion»ga mag'lub bo'lgan;

2020/2021 yilgi mavsum: 1/8 finalda «Portu»ga mag'lub bo'lgan;

2021/2022 yilgi mavsum: 1/8 finalda «Vilyarreal»ga mag'lub bo'lgan;

2022/2023 yilgi mavsum: Guruh bosqichidan so'ng musobaqani tark etgan;

2023/2024 yilgi mavsum: Evrokuboklarda ishtirok etmagan;

2024/2025 yilgi mavsum: O'tish bosqichida PSVga mag'lub bo'lgan;

2025/2026 yilgi mavsum: O'tish bosqichida «Galatasaroy»ga mag'lub bo'ldi.