Tchuameni "Real"ning "Manchester Siti" bilan ehtimoliy to'qnashuvi haqidagi savolga javob berdi

Madridning «Real» klubi yarim himoyachisi Orelen Tchuameni jamoaning Chempionlar ligasi 1/8 finalidagi ehtimoliy raqiblari haqida gapirdi.

Chorshanba kuni Alvaro Arbeloa shogirdlari o'z maydonida «Benfika»ni mag'lub etdi (2:1) va ikki o'yin natijasiga ko'ra 3:1 hisobida ustun kelib, pley-off bosqichidan muvaffaqiyatli o'tdi. 1/8 finalda «qaymoqranglilar» yo «Manchester Siti», yoki Lissabonning «Sporting» jamoasiga qarshi maydonga tushadi. Qur'a tashlash marosimi juma kuni bo'lib o'tadi.

«Manchester Siti»? Biz bu haqda o'ylayotganimiz yo'q, chunki bor e'tiborimizni o'z o'yinimizga qaratganmiz. Kim bilan o'ynashimizdan qat'i nazar, biz shunchaki maydonga tushamiz va o'ynaymiz», — dedi UEFAga bergan intervyusida «Benfika» darvozasiga gol urgan va uchrashuvning eng yaxshi futbolchisi deb topilgan Tchuameni.

1/8 final uchrashuvlari 10-11 va 17-18 mart kunlari bo'lib o'tadi.