"Chelsi" Rojersni qo'lga kiritish uchun katta shartni bajarishi kerak bo'ladi

"Chelsi" shu yozda "Aston Villa" vingeri Morgan Rojersni qo'lga kiritishda qiyinchilikka duch kelishi mumkin, chunki Angliya terma jamoasi a'zosini transferga ko'ndirishda Chempionlar ligasi yo'llanmasi asosiy omil bo'lishi kutilmoqda.

Yaqinda shartnomasi uzaytirilganiga qaramay, "Villa" Rojers uchun 100 million funt sterling yoki undan ko'proq mablag' talab qilishi mumkin va klub uni sotishga tayyor.

Biroq, agar "Chelsi" kuchli beshlikka kira olmasa va Evropa musobaqalari yo'llanmasini qo'lga kiritmasa, Rojers jamoani tark etishni istamasligi mumkin.

Avvalroq Entso Fernandes va Moyses Kaysedo uchun katta mablag' sarflagan "ko'klar" iqtidorli hujumchini o'ziga jalb qilish uchun ham moliyaviy kuchga, ham Evropaning elita turnirida ishtirok etish huquqiga muhtoj bo'ladi.