"Barselona" himoyachisi: "Rafinya bilan bahslashamiz, lekin..."

"Barselona" himoyachisi Erik Garsiya yaqinda bergan intervyusida kiyinish xonasidagi etakchilik va jamoadagi yosh futbolchilarga tanbeh berish-bermasligi haqida gapirib o'tdi.

"Men buni bunchalik keskin ifodalamagan bo'lardim, lekin o'rtamizdagi ishonch shuni anglatadiki, qachondir... Masalan, Rafinya juda tez "qizishib" ketadigan futbolchi; agar bahslashish kerak bo'lsa — bahslashamiz.

Bu jiddiy ziddiyatga aylanib ketmaydi; biz baribir bir-birimizni hurmat qilamiz (yaxshi ko'ramiz). Nazarimda, bir-birimizga gaplarni boricha aytishimiz ijobiy holat", — dedi Garsiya.