Enrike: "Bizga qarshi o'ynash juda va juda qiyin"

"PSJ" bosh murabbiyi Luis Enrike jamoa Chempionlar ligasida istalgan raqib bilan to'qnash kelishga tayyorligini ma'lum qildi.

Parijliklar saralash bosqichida "Monako"dan o'tib (3:2, 2:2), 1/8 finalga yo'l olishdi. Keyingi bosqichda "PSJ" "Barselona" yoki "Chelsi" jamoalaridan biri bilan o'ynashi kerak bo'ladi.

"Bu savolni raqiblarimizga berish kerak. Ko'ramiz, ular nima deb javob berisharkin. Qiyin bo'ladimi? Yo'q! Bizga qarshi o'ynash juda, juda qiyin bo'ladi. Albatta bu savolni ularga (bo'lajak raqiblarimizga) berib ko'ring.

Biz istalgan jamoaga qarshi o'ynashga, istalgan turnirda ishtirok etishga tayyormiz. Va maqsadimiz bitta — g'alaba qozonish. Bu mavsum o'zgacha bo'lmoqda, chunki ko'plab jamoalarda jarohat olganlar juda ko'p bo'ldi. Biz uchun hammasi aniq: bu bahona emas, lekin barcha o'yinchilar safda bo'lishi muhim", — dedi Enrike Canal+ telekanaliga bergan intervyusida.