Skoulz: "Chelsi" "Arsenal"ni mag'lub etadi"

"Manchester Yunayted"ning sobiq futbolchisi Pol Skoulz Angliya Premer-ligasining 28-turidan o'rin olgan, 1 mart kuni "Emireyts" stadionida bo'lib o'tadigan "Arsenal" va "Chelsi" jamoalari o'rtasidagi o'yin borasida o'z kutganlari bilan o'rtoqlashdi.

"Men "Chelsi"ning g'alabasiga pul tikaman. Menimcha, hisob 0:0 bo'lishi ham mumkin. Mening fikrimcha, durang bo'ladi yoki "Chelsi" g'alaba qozonadi", — deya Skoulzning so'zlarini The Overlap nashri keltiradi.

Hozirgi vaqtda "Arsenal" 61 ochko jamg'argan holda Angliya chempionati turnir jadvalida peshqadamlik qilmoqda. "Chelsi" esa 45 ochko bilan beshinchi o'rinda bormoqda.