Klopp «Real»ni qayta qurish uchun Vinisius Juniordan voz kechmoqchi

«Liverpul» klubi sobiq bosh murabbiyi Yurgen Klopp «Real» boshqaruvini o'z qo'liga olishi mumkin. Bu haqda «TEAMtalk» nashri xabar bermoqda.

Manbaning ta'kidlashicha, germaniyalik mutaxassis Madrid klubi rahbariyatidan Vinisius Junior transferi bo'yicha «Manchester Yunayted»ning taklifini qabul qilishni so'ragan. «Qizil iblislar» braziliyalik futbolchi bilan shartnoma imzolashni xohlamoqdalar va shu yozda u uchun 150 million evro to'lashga tayyor.

Agar Klopp «Real» bosh murabbiyi etib tayinlansa, u Vinisiusning sotilishidan tushgan mablag'ni jamoani qayta qurish uchun sarflamoqchi.