Ellardays: "Menimcha, "Chelsi" har qanday holatda ham Palmerni munosib narx evaziga sotib yuboradi"

«Vest Xem» jamoasining sobiq bosh murabbiyi Sem Ellardays «Manchester Yunayted»ning «Chelsi» yarim himoyachisi Koul Palmerga bo'lgan qiziqishi haqidagi mish-mishlarga munosabat bildirdi.

«Menimcha, «Chelsi» har qanday holatda ham Palmerni munosib narx evaziga sotib yuboradi. Masala shundaki, «Manchester Yunayted»da «Chelsi» talab qiladigan mablag' bormi? Palmer yana sakkiz yil davomida yuqori darajada to'p surishi mumkin. Uning iste'dodi «Chelsi»ga o'tgan ilk kunidayoq namoyon bo'lgan edi. Hozir jarohat tufayli uning o'yinida biroz pasayish kuzatilyapti, ammo u tez orada avvalgi sport formasiga qaytadi», — dedi Ellardays «No Tippy Tappy Football» nashriga bergan intervyusida.

Joriy mavsumda Koul Palmer «Chelsi» safida barcha turnirlarda 19 ta o'yinda maydonga tushib, to'qqizta gol urdi va uchta golli uzatmani amalga oshirdi.