Erik Garsiya: "Men "Barselona"ning qaytishiga ishonaman"

"Barselona" himoyachisi Erik Garsiya jamoaning so'nggi natijalari haqida o'z fikrlari bilan o'rtoqlashdi.

"Biz tez-tez g'alaba qozonishga o'rganib qolganmiz. Ketma-ket ikkita muvaffaqiyatsiz natija qayd etilganda, tahlil qilish vaqti keladi. O'ylaymanki, bu bizga mavsumning finish chizig'ida yanada kuchli bo'lishimizga yordam beradi. Biz ligada peshqadamlikni qaytarib oldik va men hali ham kubokda vaziyatni o'nglay olishimizga ishonaman. Shundan so'ng bizni Chempionlar ligasining hayajonli bosqichlari kutmoqda", — deya Garsiyaning so'zlarini keltiradi Barca Universal.

Eslatib o'tamiz, avvalroq "Barselona" Ispaniya Kubogining dastlabki yarim final uchrashuvida "Atletiko"ga 0:4 hisobida imkoniyatni boy bergan, shundan so'ng La Ligada "Jirona"ga (1:2) mag'lub bo'lgan edi. Biroq, o'tgan turda "ko'k-anorranglilar" "Levante"ni ishonchli tarzda mag'lub etishdi (3:0) va chempionatda birinchi o'ringa qaytishdi.