"Barselona" Erling Xolandni o'z safiga qo'shib olishga tayyorligini bildirdi

"Barselona" sport qo'mitasi kengashi a'zosi Joan Soler klubning transfer bozoridagi ambitsiyalari haqida gapirdi.

"Ha, biz Xulian Alvares yoki Erling Xoland kabi futbolchilarni o'z safimizga qo'shib olishimiz mumkin. Besh yil ichida bunday transferlar o'zini oqlashi mumkin, "Barselona" byudjeti bunga tayyor.

Oxir-oqibat, "Barselona" maoshlar bo'yicha o'z majburiyatlariga nisbatan juda ehtiyotkor bo'lishi kerak. Biz o'zimiz uchun chegarani belgilab qo'yganmiz va undan oshmaymiz. Biz o'yinchilarni bozor narxlari bo'yicha imzolashimiz, shu bilan birga, ish haqi tizimini kuzatib borishimiz kerak", - deya Solerning so'zlarini keltiradi Cadena Ser.

Ayni paytda "ko'k-anorranglilar" La Liga turnir jadvalida peshqadamlik qilmoqda.