Arbeloa qo'l ostida Vinisius 10 ta o'yinda 9 ta golda ishtirok etdi

Vinisius Junior murabbiy Alvaro Arbeloa qo'l ostida «Real» safida o'tkazgan 10 ta o'yinida 9 ochko (gol+pas) jamg'ardi.

Braziliya terma jamoasining 25 yoshli futbolchisi Chempionlar ligasi o'tish bosqichi doirasidagi «Benfika»ga qarshi javob uchrashuvida (2:1) raqib darvozasini ishg'ol qildi. Vinger xuddi birinchi o'yindagi golidan keyin bo'lgani kabi, burchak bayroqchasi oldida raqsga tushdi.

Endilikda Vinisiusning Arbeloa boshqaruvidagi natijalari 10 ta o'yinda 7 ta gol va 2 ta golli uzatmani tashkil etmoqda.