Ronaldu faoliyatidagi 217 ta penaltidan nechtasidan foydalangan?

Krishtianu Ronaldu Saudiya Arabistoni ligasining qoldirilgan 10-turi doirasida kechgan «Al-Najma»ga qarshi o'yinda penaltidan gol urdi.

«An-Nasr»ning 41 yoshli hujumchisi uchrashuvning 11-daqiqasida o'z imkoniyatidan foydalandi.

Bu portugaliyalik yulduzning 11 metrlik nuqtadan kiritgan 182-goli bo'ldi. U o'z faoliyati davomida jami 217 marta penalti tepish imkoniyatiga ega bo'lgan.

Taqqoslash uchun — Lionel Messi faoliyati davomida 144 marta penalti tepgan va ularning 112 tasini golga aylantirgan.