"Chelsi" yulduzi "Arsenal"ga qarshi o'yin oldidan mashg'ulotlarda ko'rinmadi

«Evening Standard» nashrining xabariga ko'ra, «Chelsi» Premer-liga doirasidagi «Arsenal»ga qarshi bahs oldidan mashg'ulotlarga qaytgan bo'lsa-da, Estevao Villian ularda ishtirok etmayapti. Braziliyalik vinger o'tgan hafta «Byornli» bilan o'yin oldidan sonining orqa mushagidan jarohat olgan edi.

Shanba kuni jamoa bosh murabbiyi Liam Rosenor 18 yoshli futbolchining holati borasida aniq ma'lumot bermadi va uning jarohati qo'shimcha tekshiruvga muhtojligini ta'kidladi.

Murabbiy juma kuni bo'lib o'tadigan o'yin oldi matbuot anjumanida iste'dodli futbolchining sog'lig'i borasida batafsil ma'lumot berishi kutilmoqda.