Markizio "Yuventus"ga kerak bo'lgan futbolchi kim ekanligini aytdi

«Yuventus»ning sobiq yarim himoyachisi Klaudio Markizio Turin klubiga «Nyukasl» a'zosi Sandro Tonalini sotib olishni maslahat berdi. Uning fikricha, Italiya terma jamoasi a'zosi «Alyants Stadium»da kuchli italyancha o'zakni qayta tiklash uchun ideal nomzoddir.

«Gazetta dello Sport» nashriga bergan intervyusida Markizio shunday dedi: «Yuventus» DNKsida doimo kuchli italyan futbolchilari bo'lgan. Tonali bu loyihani boshlash uchun ajoyib nuqta bo'la oladi». Shuningdek, Markizio «Manchester Siti»ga o'tib ketgan Janluidji Donnarummani qaytarish imkonsiz ekanini ta'kidlab, bor e'tiborni Tonaliga qaratish lozimligini aytdi.

Ma'lumot uchun, Tonali 2023 yilda «Milan»dan «Nyukasl»ga o'tgan edi, biroq uning kelajagi borasidagi munozaralar hamon davom etmoqda.