Viktor Dyokeresh — Premer-liganing hafta futbolchisi

«Arsenal» hujumchisi Viktor Dyokeresh Shimoliy London derbisidagi ajoyib o'yinidan so'ng Premer-liganing «Hafta futbolchisi» deb topildi.

«Tottenxem» ustidan qozonilgan 4:1 hisobidagi g'alabada shvetsiyalik hujumchi ikkita gol urib, jamoasining muvaffaqiyatiga katta hissa qo'shdi.

Muxlislar o'rtasida o'tkazilgan so'rovnomada Dyokeresh 35% ovoz to'plab, birinchi o'rinni egalladi. Ikkinchi o'rinni «Manchester Siti» vakili Niko O'Rayli egallagan bo'lsa, «Arsenal»ning yana bir yulduzi Eberechi Eze 20% ovoz bilan kuchli uchlikni yakunlab berdi. Shuningdek, «kanonirlar» muxlislari Dyokereshni o'yinning eng yaxshi futbolchisi deb ham e'tirof etishdi.