Mbappe tizzasidagi muammo tufayli operatsiya qilinishi mumkin

Hujumchi Kilian Mbappe tizzasidagi muammosi kuchaygani sababli «Real»ning yaqin oradagi o'yinlarini o'tkazib yuboradi. Frantsuz futbolchisi Madrid jamoasining Chempionlar ligasi doirasida «Benfika»ga qarshi bo'ladigan navbatdagi o'yini uchun qaydnomaga kiritilmadi.

Taniqli jurnalist Xuanfe Sansning xabar berishicha, agar tanlangan konservativ davolanish usuli tizzaning holatini yaxshilamasa, Mbappe kichik jarrohlik amaliyotini o'tkazishi mumkin.

Eslatib o'tamiz, chorshanba kuni «Real» o'z maydonida «Benfika»ni qabul qiladi. Bu Chempionlar ligasi o'tish (pley-off) bosqichining javob uchrashuvi bo'ladi. Birinchi o'yinda Alvaro Arbeloa shogirdlari safarda 1:0 hisobida g'alaba qozonishgan edi.