Arauxo "Barselona" asosiy tarkibidagi o'rnini qaytarib olmoqchi

«Barselona» markaziy himoyachisi Ronald Arauxo asosiy tarkibdagi doimiy o'rnini qaytarib olishga umid qilmoqda.

Urugvaylik futbolchi ruhiy muammolar sababli bir oydan ko'proq vaqt davomida maydonga tusha olmadi. Yanvar oyida 26 yoshli futbolchi klub ixtiyoriga qaytdi, biroq hozircha asosiy tarkibga kira olgani yo'q. «Mundo Deportivo» nashrining xabar berishicha, Arauxo yana «ko'k-anorranglilar»ning asosiy tarkibidagi muhim o'yinchiga aylana olishiga ishonmoqda. Markaziy himoyachining fikricha, uning jismoniy imkoniyatlari murabbiy Xans-Diter Flik talab qilayotgan yuqori himoya chizig'ida o'ynash uchun juda foydali bo'ladi.

Ronald Arauxo joriy mavsumda Kataloniya grandi safida 23 ta o'yinda ishtirok etib, o'z hisobiga uchta gol yozdirib qo'ydi.