Oliver Glasnerning «Kristal Pelas»dagi kelajagi ma'lum bo'ldi

Oliver Glasnerning «Kristal Pelas» bosh murabbiyi lavozimidagi kelajagi haqida yangi ma'lumotlar paydo bo'ldi.

«Football Insider» nashriga ma'lum bo'lishicha, «burgutlar» rahbariyati, ehtimoliy iste'fo haqidagi mish-mishlarga qaramay, avstriyalik mutaxassisga mavsum yakuniga qadar ishlash imkonini beradi. Glasner shu yilning yozida, amaldagi shartnomasi muddati tugagach, klubni tark etadi.

Oliver Glasner 2024 yilning fevral oyidan buyon «Kristal Pelas»ni boshqarib kelmoqda. Uning qo'l ostida poytaxt klubi o'z tarixida ilk bor Angliya kubogi va Superkubogini qo'lga kiritdi.

Premer-liganing joriy mavsumida «Kristal Pelas» 27 ta o'yindan so'ng 35 ochko jamg'argan holda turnir jadvalida 13-o'rinni egallab turibdi.