«Atletiko» darvozaboni Oblakda EChLning joriy mavsumida Keyn va Xolandga qaraganda ko'proq assist qayd etdi

Ayni daqiqalarda Chempionlar ligasi 2025/2026 yilgi mavsumi pley-off bosqichi javob uchrashuvi bo'lib o'tmoqda. Unda Madridning «Atletiko» (Ispaniya) jamoasi hamda «Bryugge» (Belgiya) o'zaro to'qnash kelmoqda. Hozircha hisob 1:1.

Madridliklarning goliga Aleksandr Syorlot mualliflik qildi. Unga golli uzatmani darvozabon Yan Oblak amalga oshirdi. Shu tariqa, Oblak joriy Chempionlar ligasi mavsumida o'z hisobidagi assistlar sonini oshirdi va bu ko'rsatkich ayrim top-klub hujumchilariga qaraganda yuqori bo'lib turibdi. Mazkur statistikani TNT Sports ijtimoiy tarmog'i X orqali keltirdi.

Oblak joriy EChL mavsumida bitta golli uzatmaga ega. Bu ko'rsatkich «Bavariya» hujumchisi Xarri Keyn, «Manchester Siti» a'zosi Erling Xoland, «PSJ» futbolchisi Dezire Due, «Manchester Siti» vakili Rayan Sherki, «Arsenal» o'yinchisi Noni Madueke hamda «Chelsi» a'zosi Estevao Villianga qaraganda ko'proqdir.