«Real», «Liverpul» va «MYu» van de Ven uchun kurashga qo'shildi

Himoyachi Mikki van de Ven yozgi transfer oynasida «Tottenxem»ni tark etishi va maqomi yuqoriroq bo'lgan klubga o'tib, o'z faoliyatida oldinga qadam tashlashi mumkin. Transfer News Live nashrining TEAMtalk’ka tayanib xabar berishicha, 24 yoshli niderlandiyalik futbolchi kelajagi borasidagi variantlarni o'rganib chiqmoqda.

Van de Ven atrofidagi vaziyatni «Real», «Liverpul» va «Manchester Yunayted» kabi klublar diqqat bilan kuzatib bormoqda. Mikkining «Tottenxem» bilan amaldagi shartnomasi 2029 yilning o'rtalariga qadar mo'ljallangan. Nufuzli Transfermarkt portali mutaxassislari niderlandiyalik futbolchini 65 million evroga baholashmoqda.

2025/2026 yilgi mavsumda van de Ven 33 ta o'yinda maydonga tushib, himoyachi bo'lishiga qaramay, 7 ta gol urishga muvaffaq bo'ldi.