Luis Enrike: "Monako" yo'qotadigan hech narsa yo'q. Ammo "PSJ" natijani himoya qilmaydi, balki g'alaba uchun o'ynaydi"

"PSJ" bosh murabbiyi Luis Enrike Chempionlar Ligasi pley-off bosqichidan o'rin olgan "Monako"ga qarshi uy uchrashuvidan nimalar kutayotgani haqida gapirdi. Birinchi o'yin 3:2 hisobida parijliklar foydasiga hal bo'lgan edi.

"Oson o'yinlar bo'lmaydi - kutishlar ko'pincha haqiqat bilan hech qanday aloqasi bo'lmaydi. Birinchi o'yinda juda ijobiy natijaga erishdik, ammo chorshanba kuni hammasi boshqacha bo'ladi: "Monako" hech narsa yo'qotmaydi va ular o'yinni hisobda ortda qolayotgan holda boshlaydi, shuning uchun qiyin vaziyatlarga tayyor bo'lishimiz kerak.

Biz natijani himoya qilmoqchi emasmiz - faqat g'alaba qozonish kerak bo'lgan o'yin bor. Asosiy epizodlarni to'g'ri boshqarish, muvozanatni saqlash, to'pni nazorat qilish va to'psiz ham agressiv pressing qilish muhimdir. Eng to'g'ri yo'l - maydonga birinchi uchrashuvdek tushish.

Bu mavsumda biz qiyinchiliklarni engishga qodir ekanligimizni ko'rsatdik. Eng muhimi - xotirjamlik va ishonchni saqlab qolish, chunki bu o'yindan keyin bir jamoa turnirni tark etadi", - deya Enrikening so'zlarini keltiradi klub matbuot xizmati.