Ruy Koshta Vinisius bilan ziddiyatda Janluka Prestiannini qo'llab-quvvatladi

"Benfika" prezidenti Ruy Koshta Chempionlar Ligasi doirasidagi o'yinda "Real" vingeri Vinisiusga nisbatan irqchilik bilan bog'liq vaziyatga munosabat bildirdi.

Avvalroq, UEFA braziliyalik futbolchi bilan bog'liq voqeadan keyin Janluka Prestianini vaqtincha chetlatgandi.

- Biz hech narsa isbotlanmaganini tushunganimiz uchun apellyatsiya berdik.

Shuningdek, UEFA birinchi o'yindagi boshqa holatni ham ko'rib chiqishini kutgandik. Valverde tomonidan ochiqdan-ochiq tajovuzkorlik sodir bo'ldi va uni chetlatish kerak edi.

- Vinisius aldadimi?

- Men maydonda bo'lganim yo'q. Bilmadim. Faqat bir narsani aytishim mumkin - men o'z futbolchimga ishonaman. Prestiannini irqchilikda ayblashmoqda, lekin sizni ishontirib aytishim mumkinki, bu unday emas.

Men matbuotda hech narsa demadim, chunki qaror qabul qilinmagan edi. Aniqlik bo'lishini kutgandim, ammo natijada futbolchimizga faqat vaqtinchalik diskvalifikatsiya berishdi", - dedi Ruy Koshta.