Marokash terma jamoasi sardori xalqaro maydondagi faoliyatini yakunladi

Romen Sais rasman Marokash terma jamoasidagi faoliyatini yakunlaganini e'lon qildi.

Shu tariqa, mamlakat futboli tarixidagi eng muvaffaqiyatli davrlardan birida jamoaga sardorlik qilgan va terma jamoa libosida 86 ta o'yin o'tkazgan himoyachining shonli faoliyati o'z nihoyasiga etdi.

35 yoshli himoyachi bu haqdagi qarorini o'z vatanida o'tgan va u uchun biroz omadsiz kechgan Afrika Millatlar Kubogidan so'ng Instagram sahifasida ma'lum qildi. Mazkur musobaqada tizza osti paylaridan olgan jarohati sababli u maydonda atigi 18 daqiqa harakat qila oldi, xolos.