Pro-liga uchrashuvlarini boshqarishga nomzod bo'lgan hakamlar uchun seminar bo'lib o'tmoqda

14 yanvar kuni Pro-liga musobaqalarida hakamlik qilishga nomzod bosh hakamlar va yordamchi hakamlar uchun o'quv-mashg'ulot seminari boshlandi.   Bugun 15 yanvar kuni hakamlar jismoniy tayergarlik bo'yicha FIFA testlarini topshirishdi. Bundan tashqari, nazariy bilimlarini tekshirish imtihonlari ham o'tkaziladi.   Hakamlar o'quv-mashg'ulot seminari davomida o'rtoqlik uchrashuvlarida hakamlik qilishadi, tayerlangan video materiallar asosida savollarga javob berishadi, o'yin qoidalariga kiritilayotgan yangiliklardan xabardor bo'lishadi, amaliy mashg'ulotlarda qatnashishadi va shu yo'l bilan ular 2019 yilgi mavsumga tayyorlanishadi.   Mazkur seminar 18 yanvarga qadar davom etadi. Sinovlardan muvaffaqiyatli o'tgan hakamlarga hakamlik faoliyati bilan shug'ullanishga ruxsat beruvchi sertifikatlar topshiriladi.    Pro-ligaga nomzod bo'lgan hakamlarning keyingi seminari 21-25 yanvar kunlari bo'lib o'tadi.