«Everton»ning o'z uyidagi qora seriyasi: 7 o'yindan beri g'alaba yo'q

«Manchester Yunayted» APL 27-turining so'nggi bahsida «Everton» ustidan g'alaba qozondi — ushbu o'yin Liverpulda, raqib stadionida bo'lib o'tdi. «Everton» uchun bu o'z maydonidagi navbatdagi muvaffaqiyatsizlik bo'ldi: klub o'z uyida qatorasiga ettita o'yindan beri g'alaba qozona olmayapti.

Bunday so'nggi g'alaba o'tgan yilning dekabr oyi boshida, «irislar» «Nottingem Forest»ni 3:0 hisobida mag'lub etgan paytda qayd etilgan edi. O'shandan beri jamoa o'z maydonida ettita omadsiz uchrashuv o'tkazdi — ikkita durang va beshta mag'lubiyat.

Hozirda «Everton» Angliya chempionati turnir jadvalida to'qqizinchi o'rinni egallab turibdi. Keyingi turda klub «Nyukasl»ga qarshi bahs olib boradi.