«Torino» yangi bosh murabbiy nomini e'lon qildi

«Torino» klubi o'z rasmiy saytida yangi bosh murabbiy nomini e'lon qildi. Jamoa boshqaruvini Roberto D’Aversa o'z qo'liga oldi — 50 yoshli mutaxassis bilan 2025/2026 yilgi mavsum yakuniga qadar mo'ljallangan shartnoma imzolandi.

Yakshanba kuni «Torino» mehmonda «Djenoa»ga 0:3 hisobida imkoniyatni boy bergan edi. Ayni damda jamoa A Seriya turnir jadvalida 15-o'rinni egallab turibdi.

D’Aversa qo'l ostidagi ilk o'yinini «Torino» 1 mart kuni o'z maydonida «Latsio»ga qarshi o'tkazadi.