"Inter" kambekka tayyorlanmoqda: Kivu norvegiyaliklar bilan o'yin oldidan fikr bildirdi
/ Kiritdi: BestMaster Ko'rilgan: 6717
Milanning "Inter" klubi bosh murabbiyi Kristian Kivu Chempionlar ligasi doirasidagi "Budyo-Glimt"ga qarshi javob o'yini oldidan tayyorgarlik haqidagi savolga javob berdi.
Birinchi uchrashuvda Norvegiya jamoasi o'z maydonida sensatsion tarzda 3:1 hisobida g'alaba qozongan edi.
"Biz "batareyalarimizni" qayta quvvatlab olishimiz kerak, ammo natijani ijobiy tomonga o'zgartirishga qodirmiz va buning uchun qo'limizdan kelgan barcha ishni qilamiz. Jismonan va ruhan tayyormiz. Shuningdek, bizga muvozanat kerak, chunki raqib hujumga o'tishda xavfli", — deya mutaxassisning so'zlarini keltiradi "Sky Sport Italia".
"Inter" — "Budyo-Glimt" uchrashuvi ertaga, 24 fevral kuni bo'lib o'tadi. Milandagi bahs Toshkent vaqti bilan soat 01:00 da (25 fevralga o'tar kechasi) boshlanishi rejalashtirilgan.
Bosh sahifaga
308