«Liverpul» himoyachisi uchun «Bavariya» va «Milan» asosiy da'vogar bo'lib turibdi

«Liverpul» himoyachisi Jo Gomes klubini o'zgartirishi mumkin. Futbolchining xizmatlariga «Bavariya» va «Milan» qiziqish bildirmoqda. CaughtOffside nashrining xabar berishicha, transfer kelayotgan yozda amalga oshishi mumkin.

Qayd etilishicha, mersisaydliklar klubi Gomesni sotishga tayyor. Klub rahbariyati uzoq muddatli istiqbolda unga asosiy tarkib o'yinchisi sifatida ishonch bildirmayapti.

Jo Gomesning «Liverpul» bilan amaldagi shartnomasi 2027 yilning yoziga qadar mo'ljallangan.