«Faoliyatimdagi eng talabchan murabbiy»: Kanselu Flikning uslubi haqida gapirdi

«Barselona» himoyachisi Joau Kanselu jamoa bosh murabbiyi Hans-Diter Flik haqida o'z fikrlari bilan o'rtoqlashdi.

Kataloniya klubi portugaliyalik futbolchini qishki transfer oynasida Saudiyaning «Al-Hilol» klubidan ijaraga olgan edi. Kelishuv mavsum yakuniga qadar mo'ljallangan.

«Flik — faoliyatimdagi eng talabchan murabbiy, lekin bu menga yoqadi. Men bunday chaqiriqlarni va maksimal darajada kuch berib ishlashni yaxshi ko'raman. Hansi mendan doimiy ravishda dribling ishlatishni va vaziyatni keskinlashtirishni talab qiladi, men esa bunga qodir ekanimni bilaman», — dedi Kanselu.