«Liverpul» ustozi Virtsning holatiga oydinlik kiritdi

«Liverpul» ustozi Arne Slot jamoaning germaniyalik vingeri Florian Virtsning jarohati borasida ma'lumot berdi. Futbolchi «Nottingem Forest»ga qarshi safar o'yini (1:0) oldidan o'tkazilgan chigalyozdi mashg'ulotlari vaqtida shikastlangan edi.

«Menimcha, unda jiddiy hech narsa yo'q. Virts o'yinga 100 foiz tayyor emas edi, shuning uchun biz tavakkal qilmaslikka qaror qildik. Ushbu haftada u jamoa safiga qaytadi deb umid qilamiz. Biroq hozircha aniq prognoz bera olmaymiz», — deya niderlandiyalik mutaxassisning so'zlarini keltirmoqda klub matbuot xizmati.

Joriy mavsumda Florian 25 ta uchrashuvda maydonga tushib, o'z hisobiga to'rtta gol va ikkita golli uzatmani yozdirib qo'ygan.