Palladino: "Ko'p gol o'tkazib yubormaslik uchun hamma narsani qildik"

"Atalanta" Italiya chempionatining navbatdagi turida "Napoli"ni mag'lub etdi va irodali g'alaba qozondi, chunki bergamoliklar birinchi bo'lib gol o'tkazib yubordi.

O'yin tafsilotlarini "Atalanta" ustozi Raffaele Palladino sharhlab berdi. U g'alabani haqli deb hisoblaydi.

"Napoli" - juda kuchli klub, Italiya chempioni. Birinchi davrada ham ularga qarshi yaxshi o'yin o'tkazdik. Ammo o'shanda bizga qarshi bo'lgan ayrim epizodlar hammasini hal qildi. Bugun biz ko'p gol o'tkazib yubormaslik uchun hamma narsani qildik", - deya Palladinoning so'zlarini keltiradi calcionapoli1926.it.

Hozirda "Atalanta" Italiya chempionati turnir jadvalida ettinchi o'rinni egallab turibdi.