Gvardiola hali kutilmagan voqealar ko'p bo'lishini va'da qildi

«Manchester Siti» bosh murabbiyi Xosep Gvardiola APLdagi chempionlik poygasi haqida gapirdi.

Kataloniyalik mutaxassis asosiy kurash hali oldinda ekanligini ta'kidladi. Uning fikricha, da'vogar jamoalarning barchasi qolgan barcha uchrashuvlarda g'alaba qozonishi imkonsiz.

«Sizga va'da beraman — hali ko'p voqealar sodir bo'ladi! «Arsenal»ning holatini bilmayman-u, lekin biz barcha o'yinlarda g'alaba qozona olmasligimizni his qilyapman. Bu mening ichki tuyg'um», — deya Gvardiolaning so'zlarini keltiradi City Xtra.