APL. «Manchester Siti» Niko O'Raylining dubli evaziga «Nyukasl»ni mag'lub etdi

Angliya Premer-ligasining 27-turidan o'rin olgan «Manchester Siti» va «Nyukasl Yunayted» jamoalari o'rtasidagi uchrashuv yakunlandi. Manchesterdagi «Etixad» stadionida kechgan bahsda «shaharliklar» 2:1 hisobida g'alaba qozonishdi. Uchrashuvni bosh hakam Tomas Bramell boshqarib bordi.

O'yinning 14-daqiqasida Niko O'Rayli hisobni ochdi va mezbonlarni oldinga olib chiqdi. 22-daqiqaga kelib, Lyuis Xoll javob to'pini kiritishga muvaffaq bo'ldi. Biroq oradan ko'p o'tmay, 27-daqiqada O'Rayli dublini rasmiylashtirib, jamoasining g'alabasini ta'minladi.

Hamyurtimiz Abduqodir Husanov ikkinchi bo'lim avvalida Ruben Diash o'rniga maydonga tushdi.

Ushbu g'alabadan so'ng «Manchester Siti» 56 ochko bilan Angliya oliy divizioni turnir jadvalida ikkinchi o'rinni egallab turibdi. «Nyukasl Yunayted» esa 36 ochko bilan 10-pog'onada qoldi.

Keyingi turda «shaharliklar» safarda «Lids Yunayted» mehmoni bo'lishadi, «qarg'alar» esa o'z maydonlarida «Everton»ni qabul qiladi. Ikkala o'yin ham 28 fevral kuni bo'lib o'tadi.

APL. 27-tur
22.02.2026 | 01:00
«Etixad», Manchester

«MANChESTER SITI» — «N'YuKASL YuNAYTED» — 2:1 (LIVE)

Gollar: ORayli 14’ (1:0), Xoll 22’ (1:1), ORayli 27’ (2:1).

«Manchester Siti»: Donnarumma, Ait Nuri, Gexi, Ruben Diash (Abduqodir Husanov, 46), Mateus Nunes, Rodri, O`Rayli, Bernardu Silva, Semeno (Foden, 87), Marmush (Sherki, 58), Xolann.

«Nyukasl Yunayted»: Poup, Xoll, Bern, Tshau, Tripper, Uillok (Barns, 60), Tonali, Remsi, Gordon (Osula, 78), Voltemade (Joelinton, 60), Elanga (Merfi, 78).

Ogohlantirishlar: Ruben Diash (41), Bernardu Silva (50) — Bern (9), Uillok (48), Barns (62), Tripper (65), Joelinton (89).