Turkiyada Shomurodovdan zo'ri yo'q!

Turkiya Superligasida hech kim Eldor Shomurodovdan ko'proq gollarda ishtirok eta olgani yo'q.

«Istanbul Bashakshehir» hujumchisi «Alanyaspor»ga qarshi bahsda (2:1) penaltini aniq amalga oshirib, o'z nomini tabloga yozdirib qo'ydi.

O'zbekiston terma jamoasi yulduzi hisobida chempionatda kiritilgan 16 ta gol mavjud — xuddi shuncha golni faqatgina Pol Onuachu («Trabzonspor») urishga muvaffaq bo'lgan.

Shuningdek, Shomurodov «gol+pas» tizimi bo'yicha ham peshqadamlik qilmoqda — uning hisobida 23 ta o'yinda 20 ochko mavjud.