"Yuventus" 2010 yildan beri ilk bor bunchalik past natija qayd etmoqda

"Yuventus" so'nggi 15 yil ichidagi eng yomon mavsumini o'tkazmoqda.

Luchano Spalletti shogirdlari bugun A Seriyaning 26-turida "Komo"ga imkoniyatni boy berishdi (0:2). Turinliklar joriy chempionatda 46 ochko jamg'arishdi — bu 2010/11 yilgi mavsumdan beri qayd etilgan eng yomon ko'rsatkichdir. O'shanda jamoa 26 turdan keyin 41 ochko to'plagan edi.

Italiya chempionatining navbatdagi turida "Yuventus"ni "Roma"ga qarshi jiddiy bahs kutib turibdi.