Leau agar Portugaliya JCh-2026da mag'lub bo'lsa, Ronaldu baribir eng buyuk futbolchi bo'lib qolishiga ishonmoqda

"Milan" safida to'p surayotgan portugaliyalik hujumchi Rafael Leau Krishtianu Ronaldu va Lionel Messining yutuqlarini taqqosladi.

"Albatta, jahon chempionati Krishtianu uchun muhim, chunki u hali bu chempionlikni qo'lga kiritmagan. Ammo buning ahamiyati yo'q, Ronaldu baribir futbol tarixidagi eng buyuk futbolchi bo'lib qoladi", - deya Leauning so'zlarini keltiradi CBS Sports Golazo.

2026 yilgi jahon chempionatida Portugaliya terma jamoasi O'zbekiston va Kolumbiya bilan to'qnash keladi. Portugaliyaliklarning guruh bosqichidagi yana bir raqibi hali aniqlanmadi. Argentina terma jamoasi esa Jazoir, Avstriya va Iordaniyaga qarshi bahs olib boradi.