Leau APLga yo'l olishi mumkin: «Arsenal» muzokaralarni boshladi

Portugaliya terma jamoasi va «Milan» vingeri Rafael Leau Italiya A Seriyasini Angliya Premer-ligasiga almashtirishi mumkin. Bu haqda Football Transfers xabar bermoqda.

Manbaning ma'lumotlariga ko'ra, 26 yoshli hujumkor yarim himoyachining transferi bo'yicha Londonning «Arsenal» klubi muzokaralar olib bormoqda. «To'pchilar» futbolchini yozgi transfer oynasida o'z safiga qo'shib olishni rejalashtirgan.

«Rossoneri» esa, agar portugaliyalik yulduz uchun 75-80 million evro taklif qilinsa, u bilan xayrlashishga tayyor. «Milan» va Leau o'rtasidagi amaldagi mehnat shartnomasi 2028 yilning o'rtalarigacha amal qiladi.

Joriy mavsumda Rafael «Milan» libosida 20 ta uchrashuv o'tkazib, 9 ta gol urdi va 2 ta golli uzatmani amalga oshirdi.