Luis Enrike: «Autsayderlarga qarshi bahslar hech qachon oson bo'lmagan»

«PSJ» bosh murabbiyi Luis Enrike Frantsiya chempionati doirasidagi «Mets»ga qarshi bo'lajak o'yin haqida o'z fikrlari bilan o'rtoqlashdi.

«Biz o'yin tizginini nazorat qilamiz, chunki bu juda muhim bahs. «Lans»ga bosim o'tkazish uchun bizga uch ochko kerak. Ammo turnir jadvalining quyi qismidagi jamoalarga qarshi birorta o'yin muammosiz o'tganini eslay olmayman. Biz bu o'yinda g'alaba qozonishimiz shart, shuning uchun yaxshi tayyorgarlik ko'rishimiz kerak», — deya Enrikening so'zlarini keltiradi PSG Report.

«PSJ» va «Mets» o'rtasidagi uchrashuv bugun, 21 fevral kuni bo'lib o'tadi. Liga 1ning 23-turidan o'rin olgan ushbu bahs Toshkent vaqti bilan soat 01:05 da (22 fevralga o'tar kechasi) boshlanishi rejalashtirilgan.