Flik va futbolchilar jamoaning zaif nuqtasi borasida bir to'xtamga kelishdi

«Barselona» klubi so'nggi uchrashuvlardagi pasayishning asosiy sababi nimada ekanligini aniqladi.

«Ko'k-anorranglilar» Ispaniya Kubogi yarim finalining dastlabki bahsida Madridda «Atletiko»dan yirik hisobda (0:4) mag'lub bo'lishdi, so'ngra kataloniya derbisida «Jirona»ga imkoniyatni boy berishdi (1:2). Diario Sport nashrining xabar berishicha, bosh murabbiy Xans-Diter Flik va jamoa futbolchilari yagona fikrga kelishgan: himoya chizig'ining yuqorida joylashishi muvaffaqiyatsizliklarning asl sababi emas.

Asosiy muammo — pressing vaqtida kontsentratsiyaning etishmasligi va o'yin shiddatining (intensivlik) pastligida. Bunday taktik yondashuvda mazkur xatolarning oqibati jamoa uchun halokatli bo'lmoqda. Aynan shu sababli kataloniyaliklarning odatiy o'yin tizimi so'nggi vaqtlarda haddan tashqari zaif ko'rinmoqda.

Eslatib o'tamiz, yakshanba kuni «Barselona» La Liga doirasida o'z maydonida «Levante»ga qarshi bahs olib boradi.