Boks. Ikki sportchimiz chorak finalga yo'l oldi

Iordaniyaning Amman shahrida Osiyo/Okeaniya bokschilari uchun litsenzion musobaqa davom etmoqda. Nimchorak final bosqichidan o'rin olgan kunduzgi janglar bo'lib o'tdi.

Dastlab 51 kg vaznli bokschi qizimiz Tursunoy Rahimova Iordaniyadagi ilk jangini Koreya Respublikasi vakilasi Ju Xyung Jungga qarshi o'tkazdi va 5:0 hisobida g'alaba qozondi.

Erkaklar o'rtasida 57 kg. vazndagi vakilimiz Mirazizbek Mirzaxalilov Ammandagi litsenzion musobaqada ilk jangini hindistonlik Gaurav Solankiga qarshi o'tkazdi va 4:1 hisobida g'alaba qozondi!

Kechki dasturda eng engil vazndagi (52 kg) sportchimiz Shahobiddin Zoirov indoneziyalik Suguro Aldomsga qarshi ringga ko'tariladi.