«Arsenal» sobiq vingeri: «Real» APLda turnir jadvalining o'rta pog'onalarida bo'lar edi»

«Arsenal» klubining sobiq vingeri Teo Uolkott Madridning «Real» jamoasi Angliya Premer-ligasida ishtirok etgan taqdirda, turnir jadvalining o'rta pog'onalaridan joy olishi mumkinligi haqidagi fikrini bildirdi.

«Mening fikrimcha, ular «Kristal Pelas», «Lids» kabi jamoalar maydonida yoki «Sent-Jeyms Park» stadionidagi safar o'yinlarida jiddiy qiyinchiliklarga duch kelgan bo'lardilar. Shuningdek, ob-havo sharoiti ham o'z ta'sirini ko'rsatmay qolmasdi.

Sakkizinchi o'rin. Bu fikr «Real»ning ko'plab muxlislariga manzur kelmasligi mumkin, biroq APLda taktik va jismoniy jihatdan yaxshiroq tayyorgarlikka ega jamoalar bor deb hisoblayman», — deya tabassum bilan ta'kidladi sobiq futbolchi.