Tudor: «Uzoqdagi maqsadlar haqida o'ylash foyda bermaydi»

«Tottenxem»ning yangi tayinlangan bosh murabbiyi Igor Tudor jamoasining turnir jadvalidagi holati haqida fikr bildirdi.

Mutaxassis Premer-ligada jon saqlab qolish uchun kurash haqidagi savolga javob berar ekan, ayni damda jadvaldagi o'rin hech qanday ahamiyatga ega emasligini ta'kidladi.

«Agar siz ligada jon saqlab qolish yoki biror aniq maqsad uchun kurashish haqida o'ylay boshlasangiz, bu hech qanday natija bermaydi. Bu maqsadlarning barchasi hali olisda. Men hech qachon ularga katta ahamiyat bermayman va natijalar haqida gapirmayman», — dedi Tudor.

Shuningdek, murabbiy «shporlar» elitada o'z o'rnini saqlab qolishiga to'liq ishonishini bildirdi.

Angliya chempionatining 26 turidan so'ng, «Tottenxem» 29 ochko bilan turnir jadvalida 16-o'rinda bormoqda.