Messi va Ronaldu emas: Navas eng iqtidorli futbolchi kimligini aytdi

Darvozabon Keylor Navas faoliyati davomida ham Lionel Messi, ham Krishtianu Ronaldu bilan bir jamoada to'p surgan. Biroq kosta-rikalik posbonda boshqa bir futbolchi — Neymar hammadan ham kuchliroq taassurot qoldirgan.

«Iqtidor jihatidan Neymar meni juda hayratda qoldirgan. U to'p bilan nimani xohlasa, shuni qilardi va buni qaysi oyoqda (o'ng yoki chap) bajarishining ahamiyati yo'q edi. Uni o'yinlarda kuzatganimda, xuddi o'zim farzandlarimga qarshi o'ynayotgandek tuyulardi. Ney — aql bovar qilmas futbolchi», — dedi Navas AS nashriga bergan intervyusida.

34 yoshli Neymar hozirda «Santos» sharafini himoya qilmoqda. Avvalroq braziliyalik hujumchi Evropada «Barselona» va «PSJ» klublarida to'p surgan.