Gabbiya: "Leau - biz uchun asosiy o'yinchi"

"Milan" himoyachisi Matteo Gabbiya Rafael Leauning yana gol urayotganidan juda xursand - uning so'zlariga ko'ra, etti yildan buyon "Milan" sharafini himoya qilayotgan Rafael jamoa uchun fundamental ahamiyatga ega futbolchi hisoblanadi.

"Rafael yaxshi, u yana to'liq kuch bilan harakat qilmoqda. U biz uchun fundamental muhim o'yinchi. Ishonchim komilki, tez orada uning boshqa gollari ham bo'ladi. Men Rafa uchun xursandman", - deya Gabbiyaning so'zlarini keltiradi pianetamilan.it.

Ayni vaqtda Italiya klubi A Seriya turnir jadvalida "Inter"dan 7 ochko ortda qolgan holda 2-o'rinda bormoqda. "Milan" oxirgi marta 2022 yilda Stefano Pioli davrida Italiya chempioni bo'lgandi.