Endrik terma jamoaga yaqinlashyapti

Hujumchi Endrik darhol "Lion"da o'zini ko'rsata boshladi, u qishki transfer oynasida "Real"dan ijara asosida ko'chib o'tdi. Frantsiyadagi bir nechta sifatli o'yinlardan so'ng, Endrikning Braziliya terma jamoasiga qaytish imkoniyati oshdi. Bu haqda The Athletic yozmoqda.

Mart oyidagi yig'in davomida Braziliya terma jamoasi Frantsiya va Xorvatiyaga qarshi o'rtoqlik o'yinlari o'tkazadi. Endrikning terma jamoaga chaqiruv olish imkoniyatlari oshdi.

Aytish kerakki, Endrik bir yil davomida Braziliya terma jamoasiga chaqirilmadi. Hujumchi so'nggi marta 2025 yilning 26 martida terma jamoada o'ynagan. Shundan so'ng, Endrik sog'lig'i bilan bog'liq muammolar yoki o'yin amaliyoti yo'qligi sababli chaqirilmadi.