Tedesko «Fenerbaxche»ning «Nottingem»ga qarshi rejalari bilan o'rtoqlashdi

Turkiyaning «Fenerbaxche» klubi bosh murabbiyi Domeniko Tedesko UEFA Evropa ligasi pley-off bosqichi boshlanishi oldidan o'z fikrlarini bildirdi. Uning shogirdlari 19 fevral kuni Angliyaning «Nottingem Forest» klubiga qarshi maydonga tushadi.

«Nottingem»da yangi murabbiy ish boshladi, jamoa hammasini noldan boshlaydi. Biroq bizning ham motivatsiyamiz juda yuqori. Uyda g'alaba bilan boshlash imkoniyatimiz bor. Kichik xatolarga ham yo'l qo'ymaslik yaxshi bo'lardi, aks holda jazo muqarrar bo'ladi. Birinchi soniyalardan boshlab yuqori darajadagi kontsentratsiyani saqlab qolish zarur», — deya Tedeskoning so'zlarini keltiradi UEFA rasmiy sayti.

Musobaqaning umumiy bosqichida «Fenerbaxche» 19-o'rinni, «Nottingem» esa 13-o'rinni egallagan edi.