Chilavert: «Vinisiusning o'zi birinchi bo'lib hammani haqorat qiladi»

O'tmishning mashhur paragvaylik darvozaboni Xose Luis Chilavert «Benfika» a'zosi Janluka Prestiannini qo'llab-quvvatladi. Eslatib o'tamiz, Vinisius Junior Chempionlar ligasi o'yini vaqtida uni irqchilikda ayblagan edi.

«Men Prestianni tarafidaman. Vinisiusning o'zi birinchi bo'lib hammani haqorat qilishni boshlaydi», — dedi Chilavert Radio Rivadavia efirida.

Eslatib o'tamiz, UEFA «Benfika» – «Real» uchrashuvidan so'ng surishtiruv ishlarini boshlagan. Biroq, irqchilik negizidagi haqoratlar yangragan bo'lsa ham, ularni isbotlash qiyin kechadi, chunki Prestianni gapirayotganda og'zini libosi (futbolkasi) bilan to'sib olgan.

«Real» va «Benfika» o'rtasidagi javob uchrashuvi 25 fevral kuni bo'lib o'tadi. Madridliklar safardagi 1:0 hisobidagi g'alabadan so'ng ustunlikka ega bo'lib turishibdi.