Rosenor: «APLda har qanday jamoa istalgan raqibni enga oladi»

«Chelsi» bosh murabbiyi Liam Rosenor Angliya Premer-ligasi haqida o'z fikrlarini bildirdi. Rosenor misol tariqasida «Vulverxempton» va «Arsenal» o'rtasidagi o'yin natijasini keltirib o'tdi — unda turnir jadvalining 20- va 1-o'rinlarida borayotgan jamoalar 2:2 hisobida durang o'ynashdi.

«Vulverxempton» ajoyib o'yin ko'rsatdi — men uchrashuvni tomosha qildim. APL — aql bovar qilmas darajada kuchli liga. Har qanday jamoa istalgan raqibni mag'lub etishi mumkin. Aynan shuning uchun ham turnir jadvalida zichlikni ko'ryapmiz. Men o'z jarayonimiz ustida ishlashni afzal ko'raman. «Vulverxempton», «Manchester Siti», «Arsenal» yoki «Byornli»ga qarshi o'ynaymizmi — bizning yondashuvimiz o'zgarmasdan qoladi», — dedi Rosenor matbuot anjumanida.

«Chelsi» 21 fevral kuni o'z maydonida «Byornli»ni qabul qiladi.